Romania ni garum hpyi laika

De ,

Sara hte Netherland Jinghpaw Wunhpawng Hpung masha ni hpang de,Romania du Jinghpaw Wunpawng myu sha tsinyam ni hku nna, ndai laika kadun mi hte garum hpyi dat ga nngai.
Romania mungdan asuya hku nna August 1ya shani hta garum gumhpraw jaw na matu ga sadi jaw da ai. Rai tim August 31 ya shani hta she garum gumhpraw jaw wa ai. Lang lang ga sadi hprai let jaw ai garum gumhpraw( Support Money) gaw tup hkrak nre taw ai hta n-ga, hkoi shap ai (Loan Money) re ai nga nna tsun shapraw wa ai. Dai lam hpe nsan lang ai majaw anhte hku nna lit nga ai masha kaba ni hte hkrum shaga mayu ai ngu hpyi shawn da ga ai.

Lit nga ai masha kaba ni hte galoi ten hta she lu hkrum na hpe nchye lu shi ga ai re majaw ndai laman anhte ni hta malu masha hte seng nna yak hkak ai lam ni hkrum nga ga ai. Bai nna ndai shata laman hta ma shangai na ma hkum ( Pregnant Women) mare lahkawng mung nga ga ai. Matut nna ma shangai shaprat wa na ma hkum mare manga mung naw nga ai majaw, anhte hta yak hkak hkrum nga ai lam hpe garum hpyi shawn dat nngai.
MKBC hpung masha ni hpe Karai Kasang tut nawng e shaman chyeju jaw u ga.

Kyu hpyi myit dum let,
Romania Jinghpaw myusha tsinyam 

Matut mahkai

romaniakachin2010@gmail.com